Изградбата на новата административна зграда на Општина Карпош се одвива со засилено темпо. Денес, првиот човек на локалната самоуправа, градоначалникот Стевчо Јакимовски беше во обиколка и контрола на текот на работите на новиот објект на Општината.
Инаку во тек е завршување на работите на покривната конструкција, поставување на термоиизолација и заштита од протекување. Во внатрешниот дел на зградата се работи на поставување на преградните ѕидови како и заокружување на изолација на целиот објект поради поголема енергетска ефикасност. Покривот треба да биде завршен за десеттина дена, а вселувањето во новата зграда треба да биде во текот на мај идната година.